ପୁନେର ଜଣେ ଯୁବ ଉଦ୍ୟୋଗୀ ରେଣୁକା ଚାଷୀଙ୍କ ପାଇଁ ଆଣିଛନ୍ତି ଆସ୍ୱସ୍ଥି । ଜଳବାୟୁ ପରିବର୍ତ୍ତନ ସହିତ ସଂଘର୍ଷ କରୁଥିବା ଚାଷୀଙ୍କ ଆୟ ବୃଦ୍ଧି ପାଇଁ ବାହାର କରିଛନ୍ତି ବାଟ । ଏହା କେବଳ ମହାରାଷ୍ଟ୍ର ନୁହଁ ବରଂ ଦେଶର ବିଭିନ୍ନ ଅଂଚଳର ଚାଷୀଙ୍କ ପାଇଁ ସହାୟତା କରିପାରିବ ।
୨୦୧୬ ମସିହା ଥିଲା ଏଲନିନୋର ବର୍ଷ । ଏଥିରେ ସବୁଠୁ ବେଶୀ ପ୍ରଭାବିତ ହୋଇଥିଲା ଚାଷ । ଉତ୍ତାପ ବୃଦ୍ଧି କାରଣରୁ କ୍ଷେତରେ ଟମାଟୋ ଓ ଲଙ୍କା ଫସଲ ବିଶେଷ ଭାବରେ କ୍ଷତିଗ୍ରସ୍ତ ହୋଇଥିଲା । ଛୋଟ ଚାଷୀଙ୍କ ସ୍ବପ୍ନ ଭାଙ୍ଗିଯାଇଥିବା ବେଳେ ବଡ଼ ଚାଷୀମାନେ ବ୍ୟାଙ୍କ ଋଣ କିଭଳି ପରିଶୋଧ କରିବେ ଚିନ୍ତାରେ ଥିଲେ । ଏହାକୁ ଦୃଷ୍ଟିରେ ରଖି ରେଣୁକା ଦିବାନ ବାଇଓ ପ୍ରାଇମ ନାମରେ ଏକ ଷ୍ଟାର୍ଟଅପ ଆରମ୍ଭ କରିଥିଲେ । ପୂର୍ବରୁ କୃଷି ଓ କୃଷକ ମାନଙ୍କୁ ସହାୟତା କରିବା ପାଇଁ ଅନେକ ଷ୍ଟାର୍ଟଅପ ଥିବା ସତ୍ୱେ ବାଇଓ ପ୍ରାଇମ ଜଳବାୟୁ ପରିବର୍ତ୍ତନ ଜନିତ ପ୍ରଭାବ ଗୁଡିକୁ ନେଇ ସଂଘର୍ଷ କରୁଥିବା ଚାଷୀଙ୍କୁ ବେଶ ସହାୟତା କରୁଥିଲା । ଏହି କମ୍ପାନୀ ଜୈବ ଅଣୁସାର ପ୍ରସ୍ତୁତ କରି ଚାଷୀ ମାନଙ୍କୁ ଦେଉଥିଲା ,ଯାହା ଯେତେ ଅଧିକ ଉତ୍ତାପ ବଢିଲେ ବି ଫସଲର କ୍ଷତି ହେଉନଥିଲା । ମରୁଡି ସହଣୀ ଗୁଣ ଥିବା ଚାରା ଯୋଗାଣ ହେବା ଫଳରେ ଚାଷୀଙ୍କୁ ଏହାର ତତ୍କାଳ ଲାଭ ମିଳିଥିଲା ।
ବାଇଓ ପ୍ରାଇମ ବିଗତ ୯ ବର୍ଷ ଧରି ଲଙ୍କା ,ଟମାଟୋ ,ପିଆଜ ,ବାଇଗଣ ,ରସୁଣ ଚାଷର ଉନ୍ନତି ଦିଗରେ ଅଣୁସାର ,ଚାରା ଆଦି ପ୍ରସ୍ତୁତ କରି ଚାଷୀଙ୍କ ସ୍ବପ୍ନ ଓ ଆଶା ସହିତ ଯୋଡି ହୋଇ ରହିଛି ।