• Sunday, November 30, 2025

ନବରଙ୍ଗପୁରର କୁନି ବୈଜ୍ଞାନିକ ତୁଳସୀ

Subhadra Live:Nabarangpur-school-student-Tulsi-Harijans-new-invention-to-be-displayed-at-national-level-Baal-Baiyankanik-Science-Exhibition

 ଜାତୀୟ ସ୍ତରର ବାଲ ବୈଜ୍ଞାନିକ ବିଜ୍ଞାନ ପ୍ରଦର୍ଶନୀରେ ପ୍ରଦର୍ଶିତ ହେବ ନବରଙ୍ଗପୁର ସ୍କୁଲ ଛାତ୍ରୀ ତୁଳସୀ ହରିଜନଙ୍କ ନୂଆ ଉଦ୍ଭାବନ । ଦୁର୍ଗମ ଗାଁର ଛୋଟ ଏକ ଘରୁ ସେ ଦେଖୁଛନ୍ତି ବିକାଶର ସ୍ବପ୍ନ । ପାଠରେ ଅଗ୍ରଣୀ ହେବା ସହିତ ଲଙ୍ଗ ହାଇଟ ମେଜରମେଣ୍ଟ ଡିଭାଇସ ତିଆରି କରି ସେ ଦୂର ଉଚ୍ଚତାର କରିପାରୁଛନ୍ତି ମାପ । ତାଙ୍କର ଏହି ପ୍ରକଳ୍ପ ସ୍କୁଲ ସ୍ତରରେ ଚୟନ ହେବା ପରେ ବ୍ଲକ ଓ ସେଠାରୁ ଜିଲ୍ଲା ଦେଇ ରାଜ୍ୟ ଓ ଜୋନାଲ ସ୍ତରରେ ଚୟନ ହୋଇଥିଲା । ଏବେ ଏହା ମଧ୍ୟପ୍ରଦେଶ ରାଜଧାନୀ ଭୋପାଳ ଠାରେ ଆୟୋଜିତ ଜାତୀୟ ସ୍ତରର ବାଲ ବୈଜ୍ଞାନିକ ପ୍ରଦର୍ଶନୀ ପାଇଁ ଚୟନ ହୋଇଛନ୍ତି ପଛୁଆ ଗାଁର ଆଗୁଆ ଝିଅ ତୁଳସୀ ହରିଜନ । ତୁଳସୀ ଦୁଇପତ୍ରରୁ ବାସେ ଭଳି ଏହି ତୁଳସୀ ପିଲାଟି ଦିନରୁ ଜ୍ୟାମିତି ପ୍ରତି ଦେଖାଇଛନ୍ତି ଆଗ୍ରହ । ଛେଚାଗୁଡା ସରକାରୀ ଉନ୍ନୀତ ଉଚ୍ଚବିଦ୍ୟାଳୟର ଛାତ୍ରୀ ତୁଳସୀ ନିଜ ଉପକରଣ ବଳରେ ଜାତୀୟ ସ୍ତରକୁ ଉନ୍ନୀତ ହୋଇଛନ୍ତି । ସାଧାରଣ ଜ୍ୟାମିତିର ଫର୍ମୁଲା ଓ କିଛି ସଫ୍ଟୱେର ସାଧନକୁ ବ୍ୟବହାର କରି ସେ ଯେ କୌଣସି ଅଧିକ ଉଚ୍ଚ ଜାଗାରେ ସଠିକ ମାପ କହିପାରୁଛନ୍ତି । ଯାନ୍ତ୍ରିକ ଢାଞ୍ଚା ଓ ଭିତ୍ତିଭୂମି ନିର୍ମାଣ ବେଳେ ଏହି ଉପକରଣ  ଗୁରୁତ୍ୱ ବହନ କରିବ । ଚଟାଣରେ ବସି ଅଧ୍ୟୟନ ଅଭ୍ୟାସ ଜାରି ରଖିଥିବା ତୁଳସୀ ନିଜ ପ୍ରତିଭାରେ ଚତୁର୍ପାଶ୍ୱକୁ ମହକିତ କରୁଛନ୍ତି ।  ତୁଳସୀଙ୍କ ଏହି ଉଚ୍ଚ ମାପକ ଉପକରଣ ବିକାଶ ପ୍ରକ୍ରିୟାରେ ଆଉ ଏକ ଉପଲବ୍ଧି ହେବାକୁ ଯାଉଛି ।

ପରିଚୟ ଦେଇଛି କାଇଁଚ କାରିଗରୀ

Author Image

Subhadra

0 Comments

Add Comment




Sign up for the Newsletter

Join our newsletter and get updates in your inbox. We won’t spam you and we respect your privacy.