ଝିଅ ମାନଙ୍କୁ ସାଇକେଲିଂରେ ଆଗକୁ ନେବା ପାଇଁ ଉତ୍ସାହିତ କରୁଛନ୍ତି ରାଜ୍ୟର ପ୍ରଥମ ମହିଳା ଅର୍ଜୁନ ଆୱାର୍ଡ ଅଧିକାରିଣୀ ମିନତି ମହାପାତ୍ର । ଯେତେବେଳେ ଝିଅଟିଏ ପରିବାରର ଚଉହଦି ବାହାରକୁ ଆସି କିଛି କରିବା କଷ୍ଟ ଥିଲା ସେତେବେଳେ ମିନତି ଟ୍ରାକରେ ସାଇକେଲ ଚଳାଇ ତତ୍କାଳୀନ ରାଷ୍ଟ୍ରପତି ନିଲମ ସଂଜୀବ ରେଡ୍ଡୀଙ୍କ ଠାରୁ ପାଇଛନ୍ତି ଅର୍ଜୁନ ପୁରସ୍କାର । ଯେଉଁ ସମୟରେ ରାଜ୍ୟରେ ସାଇକେଲକୁ ପୁଅ ମାନଙ୍କ ଏକଚାଟିଆ ଚାଳନା ବୋଲି ଧରି ନିଆଯାଇଥିଲା ସେତେବେଳେ ସେ ସାଇକେଲରେ ନିଜର ଦକ୍ଷତା ଦେଖାଇ ୮ ଥର ଜାତୀୟ ଚମ୍ପିୟାନ ହେବାର ଗୌରବ ଆଣିଛନ୍ତି । ଓଡ଼ିଶାରେ ସାଇକେଲିଂକୁ କ୍ୟାରିୟର କରିବାର ସମ୍ଭାବନା ରହିଥିବାରୁ ମମତା ଏବେ ଏହାକୁ ଲୋକପ୍ରିୟ କରାଇବା ଦିଗରେ ଅଂଟା ଭିଡିଛନ୍ତି । ଓଡିଶା ସାଇକ୍ଲିଂ ସଂଘ ଓ ଗୋପାଳପୁର ଆର୍ମି ଡିଫେନ୍ସ କଲେଜର ମିଳିତ ଉଦ୍ୟମରେ ଅସ୍ମିତା ଖେଲୋ ଇଣ୍ଡିଆ ମହିଳା ସାଇକ୍ଲିଂ ଲିଗକୁ ତ୍ୱରାନ୍ୱିତ ପାଇଁ ସେ ଉପସ୍ଥିତ ରହିବା ସହିତ ବାଳିକା ମାନଙ୍କୁ ଦେଇଛନ୍ତି ପ୍ରବର୍ତ୍ତନା । ବାଣିଜ୍ୟ ,ପରିବହନ ଓ ଇସ୍ପାତ ମନ୍ତ୍ରୀ ବିଭୁତି ଭୂଷଣ ଜେନା ପତାକା ଦେଖାଇ ଶୁଭାରମ୍ଭ କରିବା ପରେ ଆଗକୁ ଆଗକୁ ବଢିଛି ସାଇକେଲ । ଯେଉଁ ସମୟରେ ଝିଅ ମାନଙ୍କୁ ସାଇକେଲ ଟ୍ରାକରେ ଦେଖିବାକୁ ମିଳୁନଥିଲା ସେହି ସମୟରେ ମିନତି ନିଜର ଅଦ୍ଭୁତ ଆଗ୍ରହ ଦେଖାଇ ରାଜ୍ୟପାଇଁ ଆଣିଛନ୍ତି ସୁନାମ । ନିଜେ ସାଇକେଲ ପାଇଁ ସୁପରିଚିତା ହେବା ସହିତ ଝିଅ ମାନଙ୍କୁ ଏହା ସହିତ ଆଗକୁ ଯିବାକୁ ବତାଉଛନ୍ତି କୌଶଳ ।
ମିନତୀଙ୍କ ସାଇକେଲ କାହାଣୀ ଆରମ୍ଭ ହୋଇଥିଲା ୪୫ ବର୍ଷ ତଳୁ । ଦୌଡ଼ କୁଦ ପାଇଁ ଖେଳ ପଡିଆକୁ ଆସିଥିବା ବେଳେ ରେସିଂ ସାଇକେଲ ପ୍ରେମରେ ପଡିଥିଲେ ୧୨ ବର୍ଷର ଝିଅ ମମତା । ମିନତିଙ୍କ ମନକୁ ଆସିଥିଲା ସାଇକେଲିଂ କରିବାର ଅଦ୍ଭୁତ ଖିଆଲ । କିନ୍ତୁ ପାଖରେ ନଥିଲା ଭଲ ରେସିଙ୍ଗ ସାଇକେଲ ,ପରିବାରର ସମର୍ଥନ ଓ ଆବଶ୍ୟକୀୟ ଭିତ୍ତିଭୂମି । ଝିଅ ପିଲା ହୋଇ ସାଇକେଲ କଣ ? ପାଠ ପଢ ବୋଲି ଘରୁ ଥିଲା ତାଗିଦା । ଏସବୁକୁ ଖାତିର ନ କରି ମିନତି ସାଇକେଲକୁ ବାଛିଲେ । ଚକ ଘୁରିଲା ଆଉ ବଦଳିଗଲା ତାଙ୍କ ଦୁନିଆ । ବାପାଙ୍କ ପୁରୁଣା ରାଲେ ସାଇକେଲରୁ ଆରମ୍ଭ ହେଲା ଯାତ୍ରା । ଇସ୍ପାତ ଷ୍ଟାଡିୟମର ଟ୍ରାକରେ ଅଭ୍ୟାସ କରୁ କରୁ ସେ ବାରବାଟୀ ଷ୍ଟାଡିୟମରେ ଜାତୀୟ ସ୍ତରରେ ଖେଳିବା ପାଇଁ ଚୟନ ହୋଇଥିଲେ । ଡିସେମ୍ବର ୩୧ ୧୯୫୫ ମସିହାରେ ପୁରୀ ଜିଲ୍ଲାରେ ଜନ୍ମିତ ମିନତି ୧୯୮୦ ମସିହାରେ ରାଜ୍ୟର ପ୍ରଥମ ମହିଳା ସାକ୍ଲିଷ୍ଟ ଭାବେ ଅର୍ଜୁନ ପୁରସ୍କାର ହାସଲ କରିବା ସହିତ ୮ ଥର ହୋଇଛନ୍ତି ଜାତୀୟ ଚମ୍ପିୟାନ ।