ମିସ ଡେରାଡୁନ ଏବଂ ମିସ ଉତ୍ତରାଖଣ୍ଡ ରହିଥିବା ନସକିନ ଖାନଙ୍କ କାହାଣୀ ବେଶ ପ୍ରେରଣାଦାୟୀ । ଦିନେ ସେ ନିଜର ସାମର୍ଥ୍ୟ ଉପରେ କରୁଥିଲେ ସନ୍ଦେହ । ପିଲାଟି ଦିନରୁ ପାଠରେ ବହୁତ ଦୁର୍ବଳ ଥିବାରୁ ସେ ଚାକିରୀ ଅପେକ୍ଷା ମନୋରଞ୍ଜନ ଜଗତକୁ ବାଛିଥିଲେ । ପରେ ଅଚାନକ ସେ ବଦଳାଇଲେ କ୍ୟାରିୟରର ମୋଡ଼ । ମଡେଲିଂ ଛାଡି ସେ ୟୁପିଏସସି ପରୀକ୍ଷା ଦେବାକୁ ଇଛା ପ୍ରକାଶ କଲେ । ପ୍ରତିବନ୍ଧକ ତ ଆସିଲା । କିନ୍ତୁ ଲକ୍ଷ ପ୍ରତି ତାଙ୍କର ଅଂଗୀକାରବଦ୍ଧତା ତାଙ୍କୁ ସଫଳତା ଆଣିଦେଲା ।
ୟୁପିଏସସି ଦ୍ୱାରା ଆୟୋଜିତ ସିଭିଲ ସେବା ପରୀକ୍ଷାକୁ ଅନ୍ୟତମ କଠିନ ପରୀକ୍ଷା ଭାବେ ଗ୍ରହଣ କରାଯାଇଥାଏ । ଏଥିରେ ସଫଳତା ପାଇବାକୁ ହେଲେ ପ୍ରାର୍ଥୀଙ୍କୁ ଦିନ ରାତି କଠିନ ପରିଶ୍ରମ କରିବାକୁ ପଡେ । ଇଂଜିନିୟର ,ମେଡିକାଲ ଓ ହ୍ୟୁମାନୀଟି ଆଦି ପ୍ରତ୍ୟେକ ବର୍ଗରୁ ପିଲା ଆବେଦନ କରିଥାନ୍ତି । ଦେଶର ସବୁଠୁ ଅଧିକ ମେଧାବୀଙ୍କ ନଜର ଏହି ପରୀକ୍ଷା ଉପରେ ଥାଏ । ସମସ୍ତେ ତ ଇଛା କରନ୍ତି ହେଲେ ସଫଳତା ପାଇବା ଲୋକଙ୍କ ସଂଖ୍ୟା ନଗଣ୍ୟ । କିନ୍ତୁ ମନୋରଞ୍ଜନ ଦୁନିଆର ଜଣେ ଯୁବତୀ ପାଠରେ ଏତେ ଭଲ ନ କରି ମଧ୍ୟ ଏହି ପରୀକ୍ଷାରେ ସଫଳତା ପାଇଛନ୍ତି । ୟୁପିଏସସି ପରୀକ୍ଷା ପାଇଁ ସେ ନିଜର ସ୍ବପ୍ନ ମଡେଲିଂ ଦୁନିଆକୁ ଅଲବିଦା କହିବାକୁ ମଧ୍ୟ ପଛେଇ ନାହାନ୍ତି ।
ଅଧିକ ପଢନ୍ତୁ: ସାଧାରଣ ବ୍ୟାଙ୍କରରୁ କୋଟିପତି