ପ୍ୟାରିସ ଅଲିମ୍ପିକ୍ସରେ ପ୍ରବେଶ କରି ନିଜର ଦମଦାର ପ୍ରଦର୍ଶନ ଦେଖାଇଛନ୍ତି ବିଶ୍ୱର ଏକମାତ୍ର ହାତ ନଥିବା ମହିଳା ତୀରନ୍ଦାଜ ଶୀତଲ ଦେବୀ । ଆର୍ଚେରୀର ଯୋଗ୍ୟତା ରାଉଣ୍ଡରେ ୭୦୩ ପଏଣ୍ଟ ସ୍କୋର କରିଛନ୍ତି ।
ଶୀତଲ ଜମ୍ମୁ-କଶ୍ମୀରର କିଶତୱାର ଜିଲ୍ଲାର ଛୋଟିଆ ଗାଁ ଲୋଇ ଧରରେ ଜନ୍ମ ଗ୍ରହଣ କରିଥିଲେ । ପିଲାଟି ଦିନରୁ ସେ ଫୋକୋମେଲିୟା ସିଣ୍ଡ୍ରୋମ ନାମକ ଏକ ବିରଳ ରୋଗରେ ପୀଡ଼ିତ ଥିଲେ । ଯେଉଁ କାରଣରୁ ତାଙ୍କର ଦୁଇହାତ ବିକଶିତ ହୋଇ ପାରି ନଥିଲା । ଦିବ୍ୟାଙ୍ଗ ସତ୍ୱେ ସେ ମାନି ନଥିଲେ ପରାଜୟ । ନିଜ ଉପରେ ଆତ୍ମବିଶ୍ବାସ ରଖି ଲକ୍ଷ୍ୟପଥରେ ଅଗ୍ରସର ହୋଇଥିଲେ । ଦୁଇ ହାତ ନ ଥିବା ସତ୍ୱେ ସେ ପରା ଅଲମ୍ପିକ ପର୍ଯ୍ୟନ୍ତ ପହଂଚି ବିଶ୍ୱ ଆଗରେ ନିଜର ଅଦ୍ଭୁତ ପ୍ରତିଭା ପ୍ରଦର୍ଶିତ କରିଥିଲେ ।
ଶୀତଲଙ୍କ କ୍ରୀଡ଼ା ଯାତ୍ରା ୨୦୧୯ରୁ ଆରମ୍ଭ ହୋଇଥିଲା। ଗୋଡ଼ରେ ତୀରନ୍ଦାଜ ଶିକ୍ଷା ପରେ ୨୦୨୨ରେ ସେ ତୀର ଠିକ ଭାବେ ଚଳାଇବା ସହ ଜାତୀୟ ଚାମ୍ପିୟନସିପରେ ନିଜ ଚମତ୍କାରିତା ଦେଖାଇ ଥିଲେ । ୨୦୨୩ ରେ ଶୀତଲ ପାରା ତୀରନ୍ଦାଜ ବିଶ୍ୱ ଚାମ୍ପିୟନସିପରେ ଦେଶ ପାଇଁ ରୌପ୍ୟ ପଦକ ଜିତି ଚର୍ଚ୍ଚାକୁ ଆସିଥିଲେ ।
ଅଧିକ ପଢନ୍ତୁ: ଇତିହାସ ରଚିଲେ ପ୍ରୀତି ରଜାକ ;ହେଲେ ସେନାର ପ୍ରଥମ ମହିଳା ସୁବେଦାର