କାମ ପାଇଁ ମହିଳାଙ୍କୁ ବାହାରକୁ ଯିବାକୁ ପଡୁଛି । କିନ୍ତୁ ଫେରିବା ବେଳେ ଯଦି ବିଳମ୍ବ ହେଉଛି ତେବେ ଘର ଲୋକଙ୍କ ଚାପ ଓ ଚିନ୍ତା ବଢିଯାଉଛି । ଚାପ ବଢିବା ମଧ୍ୟ ସ୍ୱାଭାବିକ । ବର୍ତ୍ତମାନର ସମୟ ଭଲ ନାହିଁ । ମହିଳାଟିଏ ଭଲରେ ଯାଇ ଭଲରେ ଘରକୁ ଫେରିବ ଏ କଥାରେ ଗ୍ୟାରେଣ୍ଟି କିଛି ନାହିଁ । ଦିନକୁ ଦିନ ମହିଳାଙ୍କ ଉପରେ ବଢୁଥିବା ବିପତ୍ତିକୁ ଲକ୍ଷ କରି ସଫ୍ଟୱେର ଇଂଜିନିୟର ମାନେ ମୋବାଇଲି ଫୋନରେ ସୁରକ୍ଷା ପାଇଁ ଅନେକ ଗୁଡିଏ ପ୍ରଭାବୀ ଆପ ବିକଶିତ କରିଛନ୍ତି । ଏଗୁଡ଼ିକୁ ମୋବାଇଲିରେ ରଖି ବ୍ୟବହାର କରିପାରିଲେ ବିପତ୍ତି ସମୟରେ କିଛିଟା ଉପଶମ ମିଳିପାରିବ ।ଆସନ୍ତୁ ଜାଣିବା ମୋବାଇଲିରେ ବ୍ୟବହାର କରିହେଉଥିବା ସେଫଟି ଆପ ଓ ସେଗୁଡିକର କାମ ବାବଦରେ ।
ସେଫଟି ପିନ : ଏହି ଆପରେ ଜିପିଏସ ଟ୍ରାକିଙ୍ଗ ସୁବିଧା ରହିଛି । ଯାହା ବ୍ୟବହାରକାରୀଙ୍କ ଲୋକେସନର ପ୍ରତିଟି ସମୟକୁ ଟ୍ରାକ କରିପାରିବ । ଏଥିରେ ଜରୁରୀକାଳୀନ ଯୋଗାଯୋଗ ନମ୍ବର ଯୋଡି ରଖିବାର ସୁବିଧା ରହିଛି । ଫଳରେ ଜରୁରୀ ସମୟରେ ୱାନ ଟଚ ଆଲର୍ଟ ମେସେଜ ଆସିପାରିଥାଏ । ଏହି ଆପ ଆପଣଙ୍କୁ ସଠିକ ଓ ସୁରକ୍ଷିତ ରାସ୍ତା ମଧ୍ୟ ଦେଖାଇଥାଏ । ଯଦି ଆପଣ ଏକ ନୂଆ ଜାଗାକୁ ଯାଇଛନ୍ତି ଓ ରାସ୍ତା ଭୁଲିଯାଇଛନ୍ତି ତେବେ ଏହି ଆପକୁ ବ୍ୟବହାର କରି ଆପଣ ଆଖପାଖର ସୁରକ୍ଷିତ ରାସ୍ତା ପାଇପାରିବେ । ସେହିପରି ଆଉ ଏକ ପ୍ରଭାବୀ ଆପ ହେଉଛି
ବି ସେଫ । ଏହି ଆପ ଆପଣ ଫୋନରେ ରଖି ସୁବିଧା ପାଇପାରିବେ । ଆପଣଙ୍କ ବନ୍ଧୁବାନ୍ଧବ ,ସମ୍ପର୍କୀୟ ଓ ପରିବାର ଲୋକ ଆପଣଙ୍କ ଲୋକେସନର ଲାଇଭ ଷ୍ଟାଟସ ପାଇପାରିବେ । ଯଦି ଆପଣ ବିପଦରେ ପଡିଛନ୍ତି ତେବେ ଏହି ଆପ ର ଏସଓଏସ ମେସେଜ ଫିଚର ବ୍ୟବହାର କରି ଜରୁରୀ ନମ୍ବରକୁ ଜିପିଏସ ଲୋକେସନ ସହିତ ମେସେଜ ପଠାଇ ପାରିବେ । ମୋବାଇଲି ପ୍ଲେ ଷ୍ଟୋରରେ ଉପଲବ୍ଧ ହେଉଥିବା ଆଉ ଏକ ଆପ ହେଉଛି ରକ୍ଷା । ରକ୍ଷା ଆପକୁ ଡାଉନଲୋଡ଼ କରି ଏଥିରେ ଆପଣଙ୍କ ସବୁଠୁ ବିଶ୍ୱସ୍ତ ଲୋକ ,ଯିଏକି ଆପଣଙ୍କ ବିପଦ ସମୟରେ ପହଂଚିପାରିବେ ତାଙ୍କର ନମ୍ବର ଯୋଗ କରନ୍ତୁ । ଆପଣଙ୍କ ଲୋକେସନ ସେମାନଙ୍କୁ ଦେଖାଇବ ଓ ଜରୁରୀ ସମୟରେ ସେମାନଙ୍କ ମୋବାଇଲିକୁ ମେସେଜ ଯିବ । ଏଥିପାଇଁ କେବଳ ଏକ ବଟମକୁ ଅନ କରିବାକୁ ହେବ । ମୋବାଇଲି ଅଫ ଥିବା ବେଳେ ବି ଏହା କାର୍ଯ୍ୟ କରିବ । ଏସବୁ ଆପ ସହିତ ଆପଣ ଅନ୍ୟ ସୁରକ୍ଷିତ ବ୍ୟବସ୍ଥା ଗ୍ରହଣ କରିପାରିବେ । ଆପଣ ଆପଣଙ୍କ ପର୍ସ ଭିତରେ ଏକ ହ୍ୱିସିଲ ରଖନ୍ତୁ । ବିପଦରେ ପଡିବା ଭଳି ଅନୁଭବ କଲେ ଆଖପାଖ ଲୋକଙ୍କୁ ଜଣାଇବା ପାଇଁ ଜୋରରେ ହ୍ୱିସିଲ ମାରନ୍ତୁ । ସେଫଟିପିନ,ଲଙ୍କାଗୁଣ୍ଡ ଓ ଛୋଟ ଏକ ଛୁରୀ ବିପଦ ବେଳେ ସାଥ ଦେଇପାରିବ ।