ହଲିଉଡ ଚଳଚ୍ଚିତ୍ରରେ ଓଡ଼ିଆ ଝିଅଙ୍କ କମାଲ ଦେଖିବାକୁ ମିଳିଛି । ହଜାର ହଜାର କୋଟି ଟଙ୍କାର ବ୍ୟବସାୟ କରିଥିବା ଏକ ହଲିଉଡ ଚଳଚ୍ଚିତ୍ରର ସେଟ ଡିଜାଇନ କରି ଝିଅ ଜଣକ ରାତାରାତି ହଲିଉଡରେ ଚହଳ ସୃଷ୍ଟି କରିଛନ୍ତି । ସେ ହେଉଛନ୍ତି ଗଞ୍ଜାମ ଜିଲ୍ଲା ଖଲ୍ଲିକୋଟ ସହର କରଣ ସାହିର ବାସିନ୍ଦା ପ୍ରଫେସର ଅଜିତ ମହାପାତ୍ରଙ୍କ ଜ୍ୟେଷ୍ଠା କନ୍ୟା ସିଲଭିଆ ମହାପାତ୍ର । ଗତ ବର୍ଷ ଡିସେମ୍ବର ମାସରେ ମୁକ୍ତି ଲାଭ କରିଥିବା ମେଗା ସିନେମା ସ୍ପାଇଡର ମ୍ୟାନ ନୋ ଓ୍ବେ ହୋମ ବକ୍ସ ଅଫିସରେ ଧମାକା ଦେଖାଇ ୧୦ ଦିନରେ ୭୫୦୦ କୋଟି ଟଙ୍କାର ବ୍ୟବସାୟ କରିଛି । ଭାରତରେ ଏହି ସମୟରେ ୧୬୫ କୋଟିର ବ୍ୟବସାୟ କରିଛି । ଏହି ସିନେମାର ସେଟ ଡିଜାଇନର ସିଲଭିଆ ସିନେପ୍ରେମୀ ଓ ଦର୍ଶକଙ୍କ ହୃଦୟ ଜିତିଛନ୍ତି । ସୀଲଭିଆଙ୍କ ଜନ୍ମ ଓଡ଼ିଶାର ଗଞ୍ଜାମ ଜିଲ୍ଲାରେ । ବାପା ଅଜିତ ମହାପାତ୍ର ଓ ମାଆ ନଳିନୀ ପଟନାୟକ ଆମେରିକାର ଜର୍ଜିଆ ବିଶ୍ବବିଦ୍ୟାଳୟରେ କାର୍ଯ୍ୟରତ । ଜାମିଆ, ବୋଷ୍ଟନ ଓ ଆମେରିକାର ଆଟଲାଣ୍ଟ ସ୍ଥିତ ଜର୍ଜିଆ ଇନଷ୍ଟିଚ୍ୟୁଟ ଅଫ ଟେକନୋଲୋଜିରେ ସିଲଭିଆ ଶିକ୍ଷା ଲାଭ କରିଛନ୍ତି।
ଅଧିକ ପଢ଼ନ୍ତୁ: କୃଷି ଶ୍ରମୀକରୁ ସଫଳ ସି ଇ ଓ