• Friday, August 29, 2025

ମାଧ୍ୟମ 'ପାଲଟିଛି ମହିଳାଙ୍କ ପାଇଁ ସୁରକ୍ଷିତ ସ୍ୱର୍ଗ

Subhadra Live:women-security
ଖବର ଓଡିଶା :27/08/2025

ମହିଳାଙ୍କ ଉପରେ ବଢିଚାଲିଛି  ହିଂସା । କେଉଁଠି ବିବାହର ମିଛ ପ୍ରତିଶ୍ରୁତି ଦେଇ ଦୁଷ୍କର୍ମ ତ କେଉଁଠି ହେଉଛି ସାଇବର ଠକାମୀ । କେଉଁଠି ବଳପୂର୍ବକ ଅପହରଣ ତ କେଉଁଠି ହେଉଛି ଜୋରଜବରଦସ୍ତ ଚାଲାଣ । ଘରୋଇ ହିଂସା ମଧ୍ୟ ଲମ୍ବି ଚାଲିଛି । ପୋଲିସ ଥାନା ଗୁଡିକରେ ମାମଲା ବଢି ଚାପ ସୃଷ୍ଟି ହେଉଥିବା ବେଳେ ପୀଡିତାଙ୍କ ଦୁଃଖ ଦୂର ହେଉନି । ପୀଡିତାଙ୍କୁ ନ୍ୟାୟ ଓ ପୋଲିସ ଉପରୁ ଚାପ କମାଇବା ପାଇଁ କଟକ ଓ ଭୁବନେଶ୍ୱର କମିଶନରେଟ ପୋଲିସ ଓ ସାମାଜିକ ସଂଗଠନ ଆଇ ଏସ ଡି ପକ୍ଷରୁ ୨୦୧୪ ସେପ୍ଟେମ୍ବର ଠାରୁ ଆରମ୍ଭ ହୋଇଥିଲା ନିଆରା କାର୍ଯ୍ୟକ୍ରମ ମାଧ୍ୟମ ।ଶୋଷିତ ଓ ଅତ୍ୟାଚାରିତ ମହିଳାଙ୍କୁ ନ୍ୟାୟ ସହାୟତା ଦେବା ପାଇଁ ସ୍ଥାପିତ ହୋଇଥିବା ମହିଳା ସହାୟତା କେନ୍ଦ୍ର ମାଧ୍ୟମ ଏ ମଧ୍ୟରେ ୨୦୦୦ ରୁ ଅଧିକ ଅଭିଯୋଗର ଫଳପ୍ରଦ ସମାଧାନ କରିଛି ।

ମାଧ୍ୟମ ସ୍ଥାପିତ ହେବା ପରଠାରୁ ବିଗତ ୧୧ ବର୍ଷ ମଧ୍ୟରେ କଟକରେ ୧୪୭୬ ଅଭିଯୋଗ ମଧ୍ୟରୁ ୧୬୨୮ ଅଭିଯୋଗର ମୀମାଂସା ହୋଇଛି । ଚଳିତ ଅଗଷ୍ଟ ମାସରେ ପୋଲିସ ପକ୍ଷରୁ ୬୮ ଟି ଅଭିଯୋଗ ସମେତ ମୋଟ ୧୬୧ ଅଭିଯୋଗ ଆସିଛି । ସେଥିରୁ ୧୦୧ ସମାଧାନ ହୋଇଥିବା କହନ୍ତି ମାଧ୍ୟମର କାଉନସିଲର ରୋଜାଲିନ ସାହୁ । ଆଇଏସଡିର ମୁଖ୍ୟ ଶୁଭଶ୍ରୀ ଦାସ କହନ୍ତି ପୀଡିତା ଟିଏ ମାଧ୍ୟମ ସହାୟତା କେନ୍ଦ୍ରରେ ପହଂଚିବା ବେଳକୁ ତାର ମାନସିକ ,ଶାରୀରିକ ଚିକିତ୍ସା ସହିତ କେତେକ କ୍ଷେତ୍ରରେ ତାର ଥଇଥାନ କରାଯିବାର ଆବଶ୍ୟକତା ଥାଏ । ଅଭିଯୋଗ ଗୁଡିକୁ ବିଚାରକୁ ନିଆଯାଇ ଆବଶ୍ୟକୀୟ ସହଯୋଗ କରାଯାଏ । ଅଭିଜ୍ଞ ସମାଜବିଜ୍ଞାନୀ ,ଆଇନ ବିଶେଷଜ୍ଞ ,ଡାକ୍ତର ,ପୋଲିସଙ୍କ ସେବା ଦରକାର ଅନୁଯାୟୀ ନିଆଯାଏ ଓ ପୀଡିତା ମହିଳାଙ୍କୁ ନ୍ୟାୟ ଦେବାରେ ସହଯୋଗ କରାଯାଏ । ସମାଜରେ ହ୍ରାସ ପାଉଥିବା ମୂଲ୍ୟବୋଧ ,ବଦଳୁଥିବା ପରିବାର ରୂପରେଖ ଓ ଜୀବିକାର ସଙ୍କଟ ପାଇଁ ମହିଳା ବିରୋଧୀ ଅତ୍ୟାଚାର ବଢୁଛି ।

TAGS

Author Image

Henil Prava Swain

Author

0 Comments

Add Comment




Sign up for the Newsletter

Join our newsletter and get updates in your inbox. We won’t spam you and we respect your privacy.