• Friday, August 29, 2025

ଅଙ୍ଗଦାନ କରି ଅମର ମହିଳା

Subhadra Live:80-Organ-Donors-Are-Women

 ଝାରସୁଗୁଡାର ରଶ୍ମିପ୍ରଭା ପଟେଲ ,କେନ୍ଦୁଝରର ଲତା ମହନ୍ତ, ନବମ ଶ୍ରେଣୀରେ ପଢ଼ୁଥିବା କେନ୍ଦୁଝରର  ଝିଅ ଦମୟନ୍ତୀ ମହନ୍ତ ଓ ମୟୁରଭଞ୍ଜର ସ୍ୱଶ୍ରୀ ଆୟାନ ମହନ୍ତଙ୍କ ସମେତ ଆହୁରି ଅନେକ ମହିଳାଙ୍କ କଥା ଆଜି ଆମେ ଏଠି ଅବତାରଣା କରିବାକୁ ଯାଉଛୁ ଯେଉଁ ମାନେ ମରି ସୁଦ୍ଧା ଅମର । ସେହି ଦିବଂଗତ ମହିଳା ମାନେ ଜିଇଁଛନ୍ତି ସାର୍ଥକ ଜୀବନ । ମୃତ୍ୟୁ ପରେ ଅଙ୍ଗଦାନ କରି ହୋଇଛନ୍ତି ଅମର । ସେମାନଙ୍କ ଅଙ୍ଗ ପ୍ରତ୍ୟାରୋପଣ ପରେ ଜୀବନ ସହ ଯୁଝୁଥିବା ଅନେକଙ୍କୁ ନୂଆ ଜୀବନ ମିଳିଛି । ଅଙ୍ଗଦାନର ଧାରାକୁ ଜାରି ରଖିବାରେ ମିଳିଛି ବଳ । ସୃଷ୍ଟି ହୋଇଛି ନିଆରା ନଜିର ।

୪୯ ବର୍ଷ ବୟସର କୁନ୍ତଳା ନନ୍ଦା ।  ଘର ନୟାଗଡ଼ ଜିଲ୍ଲା ରଣପୁର ବ୍ଲକ ଗୌଡ଼ିଆପଦା ଗାଁରେ । କିଛିଦିନ ତଳେ  ସର୍ପାଘାତରେ ପୀଡିତ ହେବା ପରେ ତାଙ୍କୁ ଚିକିତ୍ସା ପାଇଁ ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କର ସ୍ୱାସ୍ଥ୍ୟବସ୍ଥା ଜଟିଳ ହେବା ପରେ ତାଙ୍କୁ ଭୁବନେଶ୍ୱର ଏମ୍ସରେ ଭର୍ତ୍ତି କରାଯାଇଥିଲା । ସେତେବେଳକୁ ତାଙ୍କ ଦେହସାରା ବିଷ ଚରି ଯାଇଥିଲା । ଦୁଇଦିନର ଚିକିତ୍ସା ପରେ ଡାକ୍ତର ତାଙ୍କର ବ୍ରେନ ଦେଡ ଘୋଷଣା କରିଥିଲେ ।  କୁନ୍ତଳାଙ୍କ ମୃତ୍ୟୁ ପରେ ତାଙ୍କ ପରିବାର ପକ୍ଷରୁ ଅଙ୍ଗଦାନ ପାଇଁ ଇଛା ଓ ସମ୍ମତି ପ୍ରଦାନ କରାଯାଇଥିଲା ଓ ତାଙ୍କର କିଡନୀ,ହାର୍ଟ ,ଲିଭର ଲଙ୍ଗସ ଆଦି ବାହାର କରାଯାଇ ଅନ୍ୟ ୪ ଜଣଙ୍କ ଦେହରେ ପ୍ରତ୍ୟାରୋପଣ କରାଯାଇଥିଲା ।  ଠିକ ସେହିପରି ଗଜପତି ଜିଲ୍ଲା ପାରଳାଖେମୁଣ୍ଡି ଉପକଣ୍ଠ ରାଣୀପେଣ୍ଠ ବାସିନ୍ଦା ୫୩ ବର୍ଷର ଏଲ ରାବନ୍ନମା । ନିଜ ପୁତୁରା ସହିତ ବାଇକରେ ଯାଉଥିବା ବେଳେ ଏକ ଦ୍ରୁତଗାମୀ ବସ ତାଙ୍କୁ ଧକ୍କା ଦେଇଥିଲା । ପ୍ରଥମେ ପାରଳାଖେମୁଣ୍ଡି ଜିଲ୍ଲା ହସ୍ପିଟାଲ ଓ ପରେ ଶ୍ରୀକାକୁଲମର ଏକ ଘରୋଇ ହସ୍ପିଟାଲରେ କରାଯାଇଥିଲା ଚିକିତ୍ସା ।  କିନ୍ତୁ ହାରି ଯାଇଥିଲା ଶରୀର । ଶେଷରେ ତାଙ୍କର ଲିଭର ,କିଡନୀ ,ଅନ୍ୟ ୪ ଜଣଙ୍କ ଦେହରେ ପ୍ରତ୍ୟାରୋପଣ କରାଯାଇଥିଲା ।  ରାଜ୍ୟରେ ଏଭଳି ଅନେକ ପରିବାର ସେମାନଙ୍କ ପରିବାରର ମହିଳା ଓ ଝିଅଙ୍କ ମୃତ୍ୟୁ ପରେ ଅଙ୍ଗଦାନର ନିଷ୍ପତ୍ତି ନେଇ ଅନ୍ୟଙ୍କ ଜୀବନ ରକ୍ଷା ସହିତ ନିଜର ମୃତ୍ୟୁବରଣ କରିଥିବା ପରିଜନଙ୍କୁ ଅମର କରିବାରେ ଦେଉଛନ୍ତି ଯୋଗଦାନ । ଅଙ୍ଗଦାନକୁ ବ୍ୟାପକ କରିବା ପାଇଁ ରାଜ୍ୟରେ ଅଙ୍ଗଦାନ କରିଥିବା ପରିବାର ଗୁଡିକୁ ୫ ଲକ୍ଷ ଟଙ୍କାର ଆର୍ଥିକ ପୁରସ୍କାର ଥିବା ସୁରଜ ସମ୍ମାନ ସାଙ୍ଗକୁ ରାଷ୍ଟ୍ରୀୟ ମର୍ଯ୍ୟାଦା ସହିତ କରାଯାଉଛି ସତ୍କାର ।

Author Image

Subhadra

0 Comments

Add Comment




Sign up for the Newsletter

Join our newsletter and get updates in your inbox. We won’t spam you and we respect your privacy.