ନାଁ ତାଙ୍କର ସୁଧା । ବୃତ୍ତିରେ ସେ ଜଣେ ଆଖି ଡାକ୍ତର । ଅନ୍ଧାର ଆଖିକୁ ରୋଷଣୀ ଦେଉଥିବା ସୁଧା ନିଶାରେ ଜଣେ ସମାଜସେବୀ । ଲିଙ୍ଗଗତ ନ୍ୟାୟ ପାଇଁ ସେ ପ୍ରଥମରୁ ପକ୍ଷଭୁକ୍ତ ଓ ବିଶେଷ କରି କନ୍ୟା ସନ୍ତାନଟିଏ ସମାଜରେ କିଭଳି ଉପଯୁକ୍ତ ସମ୍ମାନ ପାଇବ ସେ ଦିଗରେ ସେ ପ୍ରୟାସ ରତ । ତାଙ୍କ ଉଦ୍ୟମରେ ୨୦୦୮ ଅଗଷ୍ଟ ୧୫ରେ ବହୁ ସଂଖ୍ୟକ ଲୋକ କନ୍ୟା ସନ୍ତାନର ସ୍ବାଗତ ପାଇଁ ଶପଥ ନେଇଥିଲେ । ଅହମ୍ମଦନଗରରେ ୨୫ ହଜାର ଏବଂ ଯବତମାଲରେ ୨୦ ହଜାର ଲୋକ ଏଭଳି ଶପଥ ନେଇଥିଲେ । ପୂର୍ବରୁ ପରିବାରରେ ନବଜାତକ ଟିଏ କନ୍ୟା ହୋଇଥିବା ଶୁଣିବା ମାତ୍ରେ ପରିବାରର ସଦସ୍ୟ ମାନେ ପ୍ରଥମରୁ ହିଁ ମନ ଦୁଃଖ କରୁଥିଲେ । ଡାକ୍ତର ସୁଧା ଚାହୁଁଥିଲେ ଏମିତି ମାନସିକତା ସୃଷ୍ଟି ହେବା ଦରକାର ଯେଉଁଠି ଉଭୟ ପୁଅ ଓ ଝିଅ ପାଇଁ ସମାନ ବିଚାର ରହୁଥିବ । ବିଭେଦ କିଛି ନଥିବ । ତାଙ୍କରି ମାର୍ଗଦର୍ଶନ ଓ ପ୍ରେରଣାରେ ହଜାର ହଜାର ଲୋକ ପରିବାରକୁ କନ୍ୟା ସନ୍ତାନ ଟିଏ ଆସିଲେ ସ୍ୱାଗତ କରିବେ ବୋଲି ଶପଥ ନେଇଥିଲେ । କନ୍ୟା ସନ୍ତାନର ସଚେତନତା ପାଇଁ ସେ ଏକ ପୁସ୍ତକ ଲେଖିଛନ୍ତି ଯାହାର ଶୀର୍ଷକ ହେଉଛି ‘ସ୍ତ୍ରୀ ଜନ୍ମାଚେ ସ୍ବାଗତ କରା, ପ୍ରିୟା ଗୁଡ୍ଲି’।
ଜଣେ ଆଖି ଡାକ୍ତର ଭାବେ ସୁନାମ ଅର୍ଜନ କରିଥିବା ସୁଧା କଙ୍କରିଆ ‘କନ୍ୟା ସନ୍ତାନ ଙ୍କୁ ସୁରକ୍ଷା ’ ମିସନ୍ ପ୍ରତିଷ୍ଠା କରି ସମାଜରେ ନିଆରା ଏକ ବିପ୍ଳବ ଆଣିବାରେ ସଫଳ ହୋଇଛନ୍ତି । ଏହାରି ଜରିଆରେ ସେ କନ୍ୟା ସନ୍ତାନ ମାନଙ୍କ ସାମାଜିକ ନ୍ୟାୟ ,ଭେଦଭାବ ବିରୁଦ୍ଧରେ ସ୍ୱର ଉତ୍ତୋଳନ ,ଆଇନଗତ ସହାୟତା ଯୋଗାଇ ନିଜକୁ ଜଣେ ସମାଜସେବୀ ଭାବେ ପରିଚିତି କରାଇଛନ୍ତି । ପୂର୍ବତନ ରାଷ୍ଟ୍ରପତି ଶ୍ରୀମତୀ ପ୍ରତିଭା ଦେବୀ ସିଂ ପାଟିଲଙ୍କ ହାତରୁ ସେ ‘ଲାଇଫ୍ ଟାଇମ୍ ଆଚିଭ୍ମେଣ୍ଟ୍ ଆୱାର୍ଡ ’ ହାସଲ କରିଥିଲେ । ସ୍ବଚ୍ଛ ଭାରତ ଅଭିଯାନର ବ୍ରାଣ୍ଡ୍ ଆମ୍ବାସଡର୍ ହେବାପରେ ସେ ପିମ୍ପଲଗାଁ ଲଙ୍ଗଦା ନାମକ ଗାଁକୁ ପୋଷ୍ୟଭାବେ ଗ୍ରହଣ କରି ଆବଶ୍ୟକୀୟ ପରିମଳ ଭିତ୍ତିଭୂମି ସୃଷ୍ଟି କରିଥିଲେ ଏବଂ ପରବର୍ତ୍ତୀ ସମୟରେ ସେହି ଗାଁକୁ ମିଳିଥିଲା ନିର୍ମଳ ଗ୍ରାମ ପୁରସ୍କାର