ଜୁଲାଇ ୨୯,୧୯୭୯ରେ ଜନ୍ମିତ ତାରନ କୌର ଢିଲୋଁ ମଂଚରେ ହାର୍ଡ କୌର ନାମରେ ପରିଚିତ । ବ୍ରିଟିଶ- ଇଣ୍ଡିଆର ରାପର ତଥା ହିପହପ ସିଙ୍ଗର ତଥା ପ୍ଳେବ୍ୟାକ ସିଙ୍ଗର ଭାବେ ବଲିଉଡ ଇଣ୍ଡଷ୍ଟ୍ରିରେ ସେ ପାଇଛନ୍ତି ପ୍ରସିଦ୍ଧି ।
ହାର୍ଡ କୌର ବଲିଉଡ୍ ହିପ୍ ହପ୍ ଜଗତକୁ ପ୍ରବେଶ କରି ପ୍ରତିଷ୍ଠା ଅର୍ଜନ କରିଥିବା ପ୍ରଥମ ମହିଳା । ତାଙ୍କୁ କେହି କେହି ‘ଭାରତର ଲେଡି ଗାଗା’ ନାମରେ ଜାଣନ୍ତି । ସେ ଭାରତର କାନପୁରରେ ଜନ୍ମ ହୋଇଥିଲେ ଏବଂ ଇଂଲଣ୍ଡର ବର୍ମିଙ୍ଗହମ ସହରରେ ବଡ଼ ହୋଇଥିଲେ । ଛୋଟ ବେଳୁ ରାପ୍ ଗୀତ ଗାଇବା ଆରମ୍ଭ କରି ସେ ମାତ୍ର ୧୬ ବର୍ଷ ବୟସରେ ହାଇସ୍କୁଲ ପାଠ ଛାଡ଼ି ସଂଗୀତ କ୍ଷେତ୍ରକୁ ଚାଲିଆସିଥିଲେ । ତାଙ୍କ ଆଗମନ ଦେଶୀ ହିପ୍ ହପ୍ ଜଗତକୁ ନୂଆ ଦିଗ ଦେଇଥିଲା । ତାଙ୍କ ପୂର୍ବଜ ପଞ୍ଜବରୁ ଉତ୍ତରପ୍ରଦେଶ ଚାଲି ଆସିଥିଲେ । ସେ ପଂଜାବୀ ଶିଖ ଜାଠ ପରିବାରରୁ ଥିଲେ । କାନପୁରରେ ସେମାନେ ରହୁଥିବା ଘରେ ତାଙ୍କ ମା ଏକ ବିୟୁଟି ପାର୍ଲର ପରିଚାଳନା କରୁଥିଲେ । ବାପା ୧୯୮୪ ଶିଖ ଦଙ୍ଗାରେ ଭିଡ଼ ହିଂସାର ଶିକାର ହୋଇ ମୃତ୍ୟୁବରଣ କରିଥିଲେ । ପିତାଙ୍କ ମୃତ୍ୟୁ ପରେ ସେମାନେ ପଂଜାବର ହୋଶିୟାରପୁର ପୈତୃକ ଘରକୁ ଚାଲିଯାଇଥିଲେ । ୧୯୯୧ରେ ତାଙ୍କ ମା ଜଣେ ବ୍ରିଟିଶ ନାଗରିକଙ୍କୁ ବାହାହେବା ପରେ ସମସ୍ତେ ଇଂଲଣ୍ଡର ବରମୀହମ ଚାଲିଯାଇଥିଲେ । ସେଠାରେ ହାର୍ଡ଼କୌର ପ୍ରବାସୀ ଭାରତୀୟ ଭାବେ ସ୍କୁଲରେ ନାଁ ଲେଖାଇବା ସହିତ ରା଼ପ ସଂଗୀତ ଓ ହିପହପରେ ରୁଚି ଦେଖାଇ ସେ ଆଡକୁ ଅଗ୍ରଗତି କରିଥିଲେ । ପଇସା ଫେକୋ(ଜନି ଗଦର,) କିସ୍ମତ କଲେକ୍ସନ ,ଆଗଲି ଔର ପାଗଲି ,ସିଂ ଇଜ କିଙ୍ଗ ,ରାମ ଗୋପାଳ ବର୍ମାଙ୍କ ଅଜବ ପ୍ରେମ କି ଗଜବ କାହାଣୀ ଭଳି ସିନେମାରେ ଗୀତ ଗାଇବାର ମିଳିଥିଲା ସୁଯୋଗ । ୟୁକେ ଏସିଆନ ମ୍ୟୁଜିକ ଆୱାର୍ଡ ସହିତ ତାଙ୍କୁ ମିଳିଥିଲା ବେଷ୍ଟ ଅର୍ବାନ ଆକ୍ଟ ,ବେଷ୍ଟ ଫିମେଲ ଆକ୍ଟ ଭଳି ଆୱାର୍ଡ । ଏସବୁ ଭିତରେ ସେ ଭାରତର ଅନେକ ରାଜନେତାଙ୍କୁ ସମାଲୋଚନା କରି ମାମଲାର ସମ୍ମୁଖୀନ ହୋଇଛନ୍ତି । ଅନେକ ଗୀତରେ ସେ ଖଲୀସ୍ଥାନୀ ବିଛିନ୍ନତାବାଦୀଙ୍କୁ ଖୋଲା ସମର୍ଥନ ଦେଇ ଚର୍ଚ୍ଚାକୁ ଆସିଛନ୍ତି ।