• Friday, August 29, 2025

ଗୋଡ଼ ନାହିଁ କିନ୍ତୁ ଚଢିଲେ ଏଭରେଷ୍ଟ ଶୃଙ୍ଗ

Subhadra Live:Arunima-Sinha-—-First-Woman-Amputee-to-Climb-Mount-Everest

 ଅରୁଣିମା ସିହ୍ନାଙ୍କ କାହାଣୀ ଦେଶର ମହିଳା ସଶକ୍ତିକରଣର ଏକ ଶ୍ରେଷ୍ଠ ଉଦାହରଣ । ଅରୁଣିମାଙ୍କ ଗୋଟିଏ ଗୋଡ଼ ନଥିବା ବେଳେ ଅନ୍ୟ ଏକ ଗୋଡ଼ରେ ଲାଗିଛି ଲୁହା ରଡ଼ । ଦୁର୍ଘଟଣାରେ ଦିବ୍ୟାଙ୍ଗ ପାଲଟିଥିବା ଏହି ଜାତୀୟ ଭଲିବଲ ଖେଳାଳି ଅରୁଣିମା ନିଜର ଦୃଢ ଇଛାଶକ୍ତି ଓ ଅନ୍ତରାତ୍ମାର ଆହ୍ବାନରେ ଏଭରେଷ୍ଟ ଆରୋହଣ କରି ଦେଶର ପ୍ରଥମ ମହିଳା ଦିବ୍ୟାଙ୍ଗ ଏଭରେଷ୍ଟ ଆରୋହଣକାରୀ ଭାବେ ସାଉଣ୍ଟିଛନ୍ତି ସୁନାମ ।ଉତ୍ତରପ୍ରଦେଶ  ଆମ୍ବେଦକର ନଗରରେ ଜନ୍ମିତ ଅରୁଣିମାଙ୍କ ପିତା ଭାରତୀୟ ସେନାରେ ସେବା ପ୍ରଦାନ କରିଥିବା ବେଳେ ମା ସ୍ୱାସ୍ଥ୍ୟ ବିଭାଗର ପର୍ଯ୍ୟବେକ୍ଷକ ଭାବେ ନିୟୋଜିତ । ତାଙ୍କର ଜଣେ ବଡ଼ ଭଉଣୀ ଓ ସାନ ଭାଇ ଅଛନ୍ତି । ପିତାଙ୍କ ମୃତ୍ୟୁ ପରେ ତାଙ୍କ ମା ପୁରା ପରିବାର ସମ୍ଭାଳିଛନ୍ତି । ସବୁ କିଛି ଗତାନୁଗତିକ ଭାବେ ଚାଲିଥିବା ବେଳେ ୨୦୧୧ ମସିହାରେ ଏକ ଦୁର୍ଘଟଣା ଅରୁଣିମାଙ୍କ ଜୀବନର ଗତିପଥକୁ ବଦଳାଇ ଦେଇଥିଲା ।

ସେହି ଦୁଖଦ ସ୍ମୃତିକୁ ବଖାଣିବାକୁ ଯାଇ ଅରୁଣିମା କହନ୍ତି ଦିଲ୍ଲୀରୁ ଘରକୁ ଟ୍ରେନରେ ଆସୁଥାଏ । ରାତିର ଅନ୍ଧକାର ଭିତରେ ଜଣେ ଦୁବୃତ୍ତ ମୋର ସୁନାଚେନ ଛିଡ଼ାଇ ନେବାକୁ ଉଦ୍ୟମ କଲା । ମୁଁ ପ୍ରତିବାଦ କରିବାରୁ ମୋତେ ଚଳନ୍ତା ଟ୍ରେନରୁ ଠେଲିଦେଲା । ଉଠି ଦେଖେତ ମୋର ଗୋଟିଏ ଗୋଡ଼ ପୁରା କଟିଯାଇଛି । ଯନ୍ତ୍ରଣାରେ ଚିତ୍କାର କରି କରି ମୁଁ ନିସ୍ତେଜ ହୋଇଯାଇଥାଏ । ମୋର ଚେତା ଥାଏ କିନ୍ତୁ ଗୋଡ଼ ଓ ହାତ ଉଠାଇ ପାରୁନଥାଏ । ବରେଲୀ ଜିଲ୍ଲା ହସ୍ପିଟାଲର ଡାକ୍ତର ଫାର୍ମାସିଷ୍ଟ ମୋତେ ରକ୍ତ ଦେଇ ବଞ୍ଚାଇଲେ । ଜାତୀୟ ସ୍ତରର ଖେଳାଳି ହୋଇଥିବାରୁ ଏମ୍ସରେ ଚିକିତ୍ସା ବ୍ୟବସ୍ଥା କରାଗଲା । ମୋର ଗୋଟିଏ ଗୋଡ଼ କଟାଯାଇ କୃତ୍ରିମ ଗୋଡ଼ ଲଗାଗଲା । ଆଉ ଏକ ଗୋଡ଼ରେ ଲୁହା ରଡ଼ ଲାଗିଲା । ମାସେ ପରେ ସେଠାରୁ ନୂଆ ଲକ୍ଷ ସ୍ଥିର କଲି । ଲକ୍ଷ ପ୍ରତି ଅନ୍ତରାତ୍ମା ଜାଗ୍ରତ ଥିବାରୁ ସମସ୍ତ ପ୍ରତିବନ୍ଧକ ଅତିକ୍ରମ କରି ଆଗକୁ ବଢ଼ିଲି। ଆମେ ଯାହା ଚିନ୍ତା କରୁ ଶରୀର ଆମକୁ ସେପରି ପ୍ରସ୍ତୁତ କରେ  । ଶେଷରେ ଦେଶର ପ୍ରଥମ ଦିବ୍ୟାଙ୍ଗ ମହିଳା ଭାବେ ଏଭରେଷ୍ଟ ଶିଖରରେ ପହଂଚିଥିଲେ ଅରୁଣିମା ।


Author Image

Subhadra

0 Comments

Add Comment




Sign up for the Newsletter

Join our newsletter and get updates in your inbox. We won’t spam you and we respect your privacy.